Initiation of a Government Project: A King's Order Leads to an Administrative Crisis Over a Water Pot | Real Story
"Sarkari Mansoobay Ki Ibtida"
Ek badshah ek din aik aise ilaqay se guzra tha jahan ke log nehr ka pani peene ke liye aik jagah se khichak khich kar laate thay. Badshah ne socha ke agar aik ghada yahan rakha jaye to logon ko pani peene mein asani ho jaye gi. Is par usne fori tor par hukum diya ke awaam ki sahulat ke liye aik ghada rakha jaye taake har shakhs ba asani pani pee sake.
Badshah ke hukum par, ilaqay mein aik ghada khareed kar nehr ke kinare nasb karne ka amal shuru kiya gaya. Lekin aik afsar ne tajwez di ke chund ke ye aik sarkari hukum hai, is liye ghaday ki hifazat ke liye aik chowkidar bhi hona chahiye taake ghada toot na jaye.
Ye tajwez manzoor hui, lekin phir kisi ne kaha ke ghaday ko bharnay ke liye aik khas mushaqat ki zarurat hai. Is liye munasib tha ke is ke liye alag afrad taayunat kiye jayein, aur saath hi is baat ka bhi khayal rakha jaye ke har shakhs ka kaam barti barti taqseem ho.
Baad azan aik aur mashwara aaya ke in tamam ahlkaaron ki tankhwahaen aur hisaab kitaab rakhnay ke liye aik mohasib ya accountant ki zarurat hai. Phir aik aur ne tajwez di ke in tamam afrad ke liye aik alag shoba hona chahiye jo un ke zaati mamlaat ko dekhe, taake unka dihan kaam par rahe.
Chand din baad aik aur ahlkaar ne kaha ke agar in ke darmiyan koi tanaza ya jhagda ho jaye to iska hal kaise hoga? Is baat ke hal ke liye aik qanooni mahkama qaim karne ki tajwez di gayi.
Akhir kar, aik aur ahlkaar ne tajwez pesh ki ke ye sara nizam aik hi shakhs ke mathehat hona chahiye taake sab kaam munazzam andaz mein chalein. Is tarah is mansoobay ke liye aik director bhi muqarrar kar diya gaya.
Ek saal baad, badshah jab dobara is ilaqay se guzra, to usne dekha ke aik badi imarat khadi ho gayi thi jis par "Wazirat-e-Intizami Umur Baraye Ghada" ka board laga hua tha. Badshah ne andar jakar is ajeeb o ghareeb mahkama ke baare mein poocha, aur jab usne ghaday ko dobara dekha, to ye na sirf tootay huay tha balkay is mein aik murda parinda bhi pada hua tha. Ghaday ke aatraf mein be-shumar log so rahe thay, aur aik board par likha tha:
"Ghaday ki Murammat ke Liye Atiyat Jama Karain"
ghada kahani
sarkari mansooba
bureaucracy in Pakistan
Urdu satire story
Urdu kahani sarkari system
satirical Urdu story
government project satire
bureaucracy failure story
funny government project example
king and water pot story
inefficiency in administration
Urdu short story with moral
public sector mismanagement
Comments
Post a Comment